БИЗНИС АКЦЕЛЕРАТОР ЗА ПОДДРШКА НА СТАРТАПИ

X Фактор Акцелератор е приватен акцелератор, основан од четворица инвеститори со големо практично искуство во стартување, менаџирање, поддршка и развој на успешни стартап бизниси. Стартот на акцелераторот беше поддржан од Фондот за иновации и технолошки развој (ФИТР) во соработка со Светска банка.
Од стартот на проектот во 2018 година беа реализирани 3 инвестициски циклуси. Во голема конкуренција од 150 апликанти кои поминаа низ три пред-акцелераторски програми беа избрани 52 стартапи кои добија понатамошно менторирање од страна на тимот на Х Фактор Акцелератор. Во следната фаза беа презентирани 29 бизнис идеи пред Комитетот за одобрување на инвестиции и целната публика. На крај од процесот, членовите на Комитетот одлучија да инвестираат во 5 од најатрактивните стартапи за кои беше направена проценка дека имаат најголеми шанси за брз и глобален раст.